(Pi Muqdisho) Iyada oo maalinkii shalay ay magaalada Muqdisho gaareen wafdi ballaaran oo kasoo kicitamay magaalada Garowe ee casimadda Dowladda Puntland wafdigaas oo isugu jiray wasiiro, odayaal dhaqameed iyo saraakiil kala duwan ayaa waxa ay maanta soo siyaarteen qabriga Alle ha u naxariistee marxuumad Sado Cali Warsame oo labo maalin kahor lagu dilay magaalada Muqdisho.
Wasiirka Duulusta Hawada iyo Garoomad Dowladda Somalia Siciid Qoorsheel,Sarakiil ka mid ah xafiiska ra’iisal wasaaraha iyo odayaal dhaqameed kala duwan ayaa iyaguna qayb ka ahaa booqashada qabriga alle ha u naxariistee Xildhibaan Saado Cali Warsame.
Ra’iisal wasarihii hore ee Somalia Cali Max’ed Geeddi ayaa ka mid ahaa masuuliyiinta soo siyaartay qabriga marxuumad Saado Cali Warsame, waxayna dhamaantood ilaahay uga baryeen Marxuumadda inuu janadii fardowsa ka waraabiyo, umada soomaliyeed iyo dadkii ay ka tagtayna uu samir iyo iimaan kasiiyo .
Wasiirada Dowladda Puntland ayaa qabriga dushiisa si adag uga sheegay sheegay in maadaama ay Xildhibanad Saado Cali kasoo jeeday Puntland aysan indhaha ka laaban doonin sidii loo keeni lahaa caddymo rasmi ah, caddaymahasna ay uga fadhiyaan Dowladda Somalia.
Waxay kale oo sheegeen in sharciga iyo caddaaladda la horgeyn doono cida ka danbaysay dilka xildhibaanad Saado Cali Warsame.
Wafdiga Dowladda Puntland ayay ahayd inay isla manta oo jimce ah kasoo labtaan magaalada Muqdisho, hase ahaatee codsi uga yimi xafiiska ra’iisal wasaaraha Somalia ayay ugu baaqdeen muqdisho, waxayna cawa fiidnimadii kulan afur ah la qaadan doonaan madaxda Dowladda Somalia.
–DHAMAAD–
Xafiiska Warfafinta,Wacyigelinta,
Ee Madaxtooyada Puntland
Puntlandi.com- Muqdisho